Club de lectura familiar

[EUS]

Hiru-bost eta sei-zortzi urteko adin-tarteko umeei eta beraien gurasoei zuzendutako irakurketa klubak Galtzagorri elkarteko kide batek dinamizaturik.

Mintzoan kux-kux ekimenaren barne txertatzen den irakurketa klubaren helburua kalitatezko haur literaturaren irakurketaz eta literaturaz gozatzea da eta bide horretan, gurasoen ezinbesteko parte-hartzea bilatuko da beraiek bihurtuko baitira testuen eta haurren arteko bitartekari nagusi.

Horretarako, hainbat teknika eta baliabide eskaniko zaizkie parte hartzaileei; bibliografia egokia, irakurtzeko espazioa eta denbora sortzeko teknikak eta dinamikak, ozen irakurtzeko modua...

Saioak haur liburutegian izango dira, hilabetero bigarren ostegunean 17:30ean 3-5 urtekoentzat eta 18:30 6-8 urtekoentzat. Haurrek guraso edota hezitzaile batekin etorri beharko dute.

2025rako aurreikusitako saioak:

• Urtarrilak 9
• Otsailak 6
• Martxoak 6
• Apirilak 3
• Maiatzak 8
• Ekainak 5
• Urriak 9
• Azaroak 6
• Abenduak 4