BPM do Grilo Cacheiras
BPM do Grilo-Cacheiras
A BPM do Grilo-Cacheiras (coñecida como Mediateca do Grilo) foi inaugurada en outubro de 2008 e naceu como un servizo municipal para dar resposta á demanda de formación que precisaba o Concello,un centro de acceso á información e á cultura.
Está configurada por unha sala única repartida en varios espazos diferenciados polo mobiliario e a cartelería.
Recepción
É o espazo que que se atopa ó entrar na biblioteca e onde se sitúa o mostrador. Aquí poderás efectuar os préstamos e devolucións de materiais ou recibir información do personal bibliotecario
Ordenadores e ofimática
Ofrecemos conexión a internet a través de postos fixos ou de conexión wifi en toda a sala. Os terminais están provistos de software libre e ferramentas ofimáticas. En caso de alta demanda, limitarase o uso priorizando os fins formativos ou de xestións administrativas. Para coñecer máis deste servizo preme aquí.
Consulta e lectura
Ocupa o maior espazo da sala e acolle os fondos en libre acceso organizados nos distintos andeis. Poden consultarse libremente. Se precisas máis información sobre a colección preme aquí.
Audiovisuais
A biblioteca conta cunha colección audiovisual disposta en mobles preparados para este tipo de material e composta por unha selección das mellores obras da historia do cine, dende clásicos ata películas máis actuais complementada por unha colección de libros sobre cine. Para coñecer mellor este fondo preme aquí.
Espazo infantil-xuvenil
Cun mobiliario adaptado, está destinado a nenos e nenas ata 14 anos. Acolle unha colección dividida según franxas de idade e diferenciada por cores. Se precisas máis información da colección preme aquí.
Bebeteca
.jpg "No alt text available for image")
.jpg "No alt text available for image")
Dentro do espazo infantil atopase a bebeteca, un espazo tranquilo e cómodo, con mobiliario especial e un fondo específico destinado a nenos e nenas de 0/3 anos que busca impulsar un achegamento ó libro e a lectura dende a primeira infancia con material deseñado con este fin. Se queres coñecer máis da colección, preme aquí.