Infantil e xuvenil

Sección destinada a nenos, nenas e aos seus/súas acompañantes. Os/as menores de 7 anos deben vir sempre acompañados/as, hai que coidalos moito e aprenderlles a comportarse.

A colección infantil clasifícase por idades, identificadas con cores. O rótulo do libro leva a cor da idade para a que nos parecen máis axeitados, pero ti es quen decide.

• Azul: para nenos e nenas de 0 a 5 anos. Agrúpanse ademais en centros temáticos para axudarvos a escoller.
• Vermello: para rapaces e rapazas de 6 a 8 anos.
• Verde: para rapaces e rapazas de 9 a 11 anos.
• Amarelo: para rapaces e rapazas de 12 a 14 anos.

Os libros informativos van clasificados con números que se corresponden coas diferentes materias, seguindo a C.D.U. (Clasificación Decimal Universal).

Os libros de ficción (novelas, contos, poesías, cancións...) identifícanse con letras:

• IN: narrativa
• IP: poesía
• IT: teatro

Os documentos azuis e vermellos están ordeados por colección, editorial ou personaxe (nesa orde de preferencia).

Na sección de audiovisuais tamén atoparás:

• Películas
• Series
• Audiovisuais informativos (sobre natureza, saúde...)

Tamén contamos cun Recuncho de nais e pais con libros e revistas sobre educación infantil e outros temas relacionados (PAI)