Consegue o teu carné
A través do carné poderás acceder a todos os servizos presenciais e dixitais das bibiotecas que forman parte da Rede de Bibliotecas de Galicia en igualdade de condicións.
Ó darte de alta, obterás un número de usuario/a e un contrasinal para acceder tamén a túa conta online e á colección dixital da Rede, GaliciaLe.
Podes darte de alta de dúas formas:
- Presencialmente: en calquera das nosas bibliotecas, cubrindo un impreso. A expedición do carné será inmediata.
- Online: a través deste enlace. Unha vez efectuada a alta, deberás pasar pola biblioteca para confirmar a alta e recoller o carné
As persoas menores de 14 anos deberán contar coa confirmación por unha persoa responsable (nai, pai, titor ou titora).
O carné é gratuíto, persoal e intransferible. A súa caducidade é de 5 anos para persoas adultas e de 3 anos para os menores. Para facer uso de determinados servizos, será obrigatorio a presentación do carné pola persoa titular ou, no seu caso, estar rexistrada como persoa autorizada para o seu uso.
App Red de Bibliotecas de Galicia
Coa aplicación móbil da Rede de Bibliotecas de Galicia podes levar sempre contigo todo o catálogo galego da biblioteca dixital de préstamo, GaliciaLe. Para usala só precisas ter o carné de calquera biblioteca da Rede e entrar co teu usuario e contrasinal. Poderás consultar o catálogo, tomar en préstamo libros, revistas e audiovisuais, visualizalos en liña ou descargalos, de forma gratuíta a calquera hora do día e todos os días do ano. Tamén incorpora un acceso directo á web de eBiblio e ao catálogo das bibliotecas físicas da Rede.
Deste xeito, o teu carné da biblioteca está agora no teu móbil. Con esta app, poderás acceder ao préstamo ou a calquera outro servizo da túa biblioteca sen necesidade de levar a tarxeta.
A aplicación da Rede está dispoñible tanto para Android como iOS e podes descargala directamente nas súas respectivas plataformas ou nestas ligazóns:
