Erabilera-arauak

Ez dago baimenduta:

• Erretzea
• Mugikorra soinuarekin dugula liburutegira sartzea.
• Janaria edo edariak sartzea (ura izan ezik).
• Oihukatzea, ozenegi hitz egitea edo irakurtzeko behar den lasaitasuna urratzen duten zaratak eragitea
• Liburuak edo aldizkariak oso-osorik fotokopiatzea.
• Liburutegitik liburuak ateratzea, aurretik maileguan hartu gabe.
• Liburutegiko ondasun higigarri zein higiezinak oker tratatzea.

Horretaz gainera:

• Apalategietako liburuak edonork har ditzake, bai liburutegian bertan kontsultatzeko, bai maileguan liburutegitik ateratzeko.
• Ahal den neurrian, materialak apalategietan zeuden tokian utzi beharko dira.
• Une oro errespetatu beharko dira liburutegiko langileak, gainerako erabiltzaileak, bertako funtsak eta instalazioak.
• Jokabide tolerantea, hezibide onekoa eta higienikoa gorde behar da.
• Langileek badute eskumena aldi baterako edo behin betiko joan dadin eskatzeko arauak errespetatzen ez dituenari.