Liburutegia

Historia

Gure liburutegiak ia mende erdia bete du eta haren ibilbideak auzoaren historiarekin batera egin du aurrera. Gaur egungo egoitzak 1.400 metro karratu ditu eta 2005eko urrian inauguratu zen. Oinarrizko zerbitzuak eskaintzen ditu Txantreako bizilagunen eta bertara joan nahi duen edonoren informazio, prestakuntza eta aisialdi premiei erantzuteko.

Txantreako liburutegi publikoa Nafarroako Gobernuaren liburutegien sarearen parte da, eta Nafarroako Gobernuaren eta Iruñeko Udalaren arteko lankidetza-hitzarmen baten bidez funtzionatzen du.