1983ko uhoaldeak

Abuztuan 40 urte beteko dira Bizkaia suntsitu zuten zorigaiztoko uholdeak izan zirenetik. 1983ko abuztuaren 26ko arratsaldean, Bilboko Aste Nagusian, itsasgorarekin bat egin zuten euri-jasek uholde handia eragin zuten. Horrek kalte material handiak, eta hainbat hildako eragin zituen.

Basauri izan zen Nerbioi eta Ibaizabal ibaiek gainezka egitearen ondorioz gehien sufritu zuen udalerrietako bat. Kalte handienak Ariz (batez ere dorrea eta ermita), Urbi, Azbarren, Sarratu eta El Kalero hiriguneek jasan zituzten. Kirol-instalazioak, hala nola Soloarteko zelaia eta igerilekuak edo San Migeleko Abaroa zelaia suntsituak izan ziren. Mercabilbaok eta Malmasingo tunelek ere kalte handiak jasan zituzten. Baina bereziki eragindako sektore bat nabarmendu behar badugu, Basauriko industria-ingurua izan zen. Uholdeak erabat urpean utzi zituen fabrika handiak, hala nola Firestone Hispania, Edesa, Cartonajes, Álvarez Vázquez eta Ceplástica, baita ibaien ertzetatik hurbil zeuden beste fabrika eta enpresa txikiago batzuk ere. Nerbioi ibaiaren ohe gainetik 9,6 metrora iritsi zen ura, Echevarria fabrikaren parean.

Egoera horretan, azpiegiturak suntsituta, komunikaziorik gabe eta jarduera-protokolorik gabe, udalbatzak eta bizilagunek inprobisatu egin behar izan zuten hondamendi hura gainditzeko.

Bideoak